Maxfiylik siyosati

Bu siyosat YodAll qaysi ma'lumotlaringizni yig'ishi, ulardan qanday foydalanishi va ularni qanday boshqarishingiz mumkinligini tushuntiradi. YodAll ilovasini Munaddiy Solutions taqdim etadi.

1. Qaysi ma'lumotlarni yig'amiz

• Hisob: ism, email va (Google yoki Apple orqali kirsangiz) shu xizmat bizga beradigan ism, email va (Google'da) rasm. Xohlasangiz, yoshingiz, kasbingiz va mashg'ulotingiz ham.
• Hisobsiz: mehmon sifatida boshlasangiz, telefoningiz identifikatori, darslaringiz unda qolishi uchun. 30 kun ishlatilmagan mehmon o'chiriladi.
• O'rganish: tanlagan kitob va kuningiz, so'zlar holati, testlar natijasi, ballar va seriya.
• Sozlamalaringiz: kunlik maqsad, eslatma vaqti, tanlagan podkast boshlovchilari va ovozi hamda ularga bergan ismlaringiz.
• Daraja testi: javoblaringiz (30 kun saqlanadi) va test bergan daraja.
• Premium va tangalar: sinov va Premium muddatlaringiz, tangalaringiz va ularning harakati hamda har bir telefonga bitta bepul sinov berish uchun telefoningiz identifikatori.
• To'lovlar: nima sotib olganingiz, summa, valyuta va sanalar, to'lov tizimi va undagi to'lov raqami. Saqlangan karta uchun uning yashirilgan raqami va Click yoki Toss bergan, faqat shu kartadan pul yechishga imkon beradigan token; karta raqami bizga emas, to'lov tizimiga boradi. Ilovadagi xarid uchun Apple yoki Google yuboradigan tranzaksiya identifikatorlari va do'kondagi xarid hisobingizga yetib borishi uchun hisobingizga beradigan identifikatorimiz.
• Do'stlar: kim bilan do'st ekaningiz, taklif kodlaringiz, yuborgan va olgan turtkilaringiz.
• Ovoz: talaffuz mashqida yozib olingan ovozingiz baholash uchun nutqni aniqlash xizmatiga yuboriladi. Yozuvni saqlab qo'ymaymiz.
• Qurilma: bildirishnomalar uchun qurilma tokeni, qurilma tili va vaqt mintaqasi.
• Siz yuborgan narsalar: tarjima takliflari, fikr-mulohazalar va ularning bahosi.
• Foydalanish, xatolar va reklama: ilova qaysi ekranlar ishlatilishini ko'rish va xatolarni topish uchun Google Firebase (Analytics, Crashlytics, Performance Monitoring) va Sentry'dan, reklama ko'rsatish uchun Google AdMob'dan foydalanadi. Bu xizmatlar ilova voqealari, xato hisobotlari, qurilma va ilova haqidagi ma'lumotlar hamda qurilmangizning reklama identifikatorini oladi.

2. Ulardan qanday foydalanamiz

• Hisobingizni yuritish va kirgan har bir qurilmangizda o'rganishni to'xtagan joyingizdan davom ettirish uchun.
• Telefon sozlamalarida o'chirib qo'yish mumkin bo'lgan bildirishnomalar yuborish uchun: dars eslatmalari, ilova yangiliklari, fikringizga javoblar va takliflaringiz natijasi.
• Takliflaringizni tekshirish va sizga ball berish uchun.
• Qo'shgan do'stlaringizga ismingiz, rasmingiz va seriyangizni ko'rsatish hamda umumiy seriyangizni hisoblash uchun.
• Premium, bepul sinov va kunlik bepul cheklovlarni berish uchun.
• To'lovlarni qabul qilish, obunalarni yangilash va pulni qaytarish, hamda email orqali chek, yangilanish yoki Premium tugashi oldidan eslatma va narx o'zgarishi haqida xabar yuborish uchun.
• Fikr-mulohaza va murojaatlaringizga javob berish uchun.
• Xatolarni tuzatish, ilova va darslarni yaxshilash uchun.
• Reklama ko'rsatish uchun.

Shaxsiy ma'lumotlaringizni sotmaymiz.

3. Kim bilan ulashamiz

Ma'lumotlarni faqat YodAll'ni biz uchun ishlatadigan xizmatlarga va har biriga faqat keraklisini beramiz:

• MongoDB Atlas va Amazon Web Services — ma'lumotlar bazasi va fayllarimizni saqlaydi, email'larimizni yuboradi.
• Google Firebase — bildirishnomalarni yetkazadi, analitika, xato va unumdorlik hisobotlarini beradi.
• Google Cloud Speech-to-Text va Google Gemini — talaffuzni baholaydi va o'quv mazmunini tayyorlashga yordam beradi.
• OpenAI — o'quv mazmunini tayyorlash va takliflarni tekshirishga yordam beradi. Unga so'zlar va takliflar matni boradi, ismingiz yoki emailingiz bormaydi.
• Unsplash — ba'zi so'z rasmlarini serverlaridan to'g'ridan-to'g'ri telefoningizga yetkazadi, shuning uchun uning internet manzilini ko'radi.
• Sentry — xato hisobotlarini yig'adi.
• Grafana Labs — server loglarimizni 14 kun saqlaydi va xizmat ishlayotganini tekshiradi. Loglar yuborilishidan oldin ulardan email manzillar, parollar va kirish tokenlari olib tashlanadi.
• Google AdMob — reklama ko'rsatadi.
• Google va Apple — ular orqali kirsangiz.
• Click, Toss Payments va Stripe — yodall.uz'da to'lovlarni qabul qiladi; Apple va Google — ilovadagi to'lovlarni. Click qonun talabiga ko'ra har bir to'lov chekini O'zbekiston soliq tizimiga uzatadi.

Bu xizmatlarning ba'zilari ma'lumotlarni O'zbekistondan tashqaridagi serverlarda saqlaydi. Qonun talab qilganda ham ma'lumot beramiz.

4. Qancha vaqt saqlaymiz

Ma'lumotlaringizni hisobingiz mavjud ekan saqlaymiz. Hisobingizni o'chirsangiz yoki o'chirish so'rovingizni bajarsak, profilingiz, o'rganish tarixingiz, ballaringiz, qurilmalaringiz va fikr-mulohazalaringizni 30 kun ichida o'chiramiz. Siz qo'shgan tarjima va misollar ilovada ismingizsiz qoladi. Telefon bepul sinovdan foydalangani haqidagi yozuv hisobingizga bog'lanmagan holda qoladi, shunda sinov har bir telefonga bitta bo'lib qoladi. To'lov yozuvlari soliq qonunchiligi talab qilgan muddat davomida ismingiz va emailingizsiz saqlanadi, saqlangan karta esa to'lov tizimida o'chiriladi. Ma'lumotlar bazasining zaxira nusxalaridagi ma'lumotlar o'sha nusxalar muddati tugaganda o'chadi. Analitika, xato va reklama xizmatlari o'z ma'lumotlarini o'z saqlash sozlamalari bo'yicha saqlaydi.

5. Sizning huquqlaringiz

Ma'lumotlaringizni ilovada ko'rishingiz va o'zgartirishingiz mumkin. Hisobingizni va ma'lumotlaringizni o'chirish uchun Hisobni o'chirish sahifasiga qarang.

O'zbekiston Respublikasining "Shaxsga doir ma'lumotlar to'g'risida"gi Qonuni va sizga tegishli boshqa qonunlar asosida ma'lumotlaringiz nusxasini so'rashingiz, ularni tuzatishni so'rashingiz yoki ulardan foydalanishga e'tiroz bildirishingiz mumkin. Quyidagi emailga yozing — 30 kun ichida javob beramiz. Shaxsiylashtirilgan reklamani telefon sozlamalarida cheklashingiz mumkin.

6. Bolalar

YodAll 10 yosh va undan katta foydalanuvchilar uchun. 10 yoshgacha bo'lgan bolalardan bila turib ma'lumot yig'maymiz. Agar 10 yoshgacha bo'lgan bolaning hisobi bor deb hisoblasangiz, bizga yozing — uni o'chiramiz.

7. Siyosatning o'zgarishi

Bu siyosatni yangilashimiz mumkin. Yuqoridagi sana amaldagi nusxani ko'rsatadi, muhim o'zgarishlar haqida esa ular kuchga kirishidan oldin ilovada xabar beramiz.

8. Biz bilan bog'lanish

Munaddiy Solutions, Seoul. Email: sirojiddin960417@gmail.com.